Tshinsansa: Kasolonyi kakenaku nansha dimata dimue bua mashinyi a Transco to
Ditanda dia Transco didi dikala difua ku kakesa ku kakesa. Patudi tuakula apa lelu eu, Ditanda edi dia mbulamatadi Transco kadiena nansha dimata dimue dia kasolonyi to bua mashinyi adi matua ku 250 adi mu tshimenga tshia Tshinsansa mpuila mambu.
Mulombodi wa ditanda edi, nyau wela lubila lua muadi ni binsonji munkatshi mua didiebeja bua tshinyi mena udi utangila mianda ya difueta kena musua kutangila bualu ebu nansha musangu umue to, habi bikala ni mfumu wa ditunga mumutumina diyi bua kupatula makuta bua kusumbila ditanda da Transco kasolonyi.
Difutu dia ngondo muisatu bua bena mudimu ba Transco bimueka bua se kadiakuikalaku to, ki mudi mulombodi wa ditanda dia mbulamatadi edi uleja. Nanku udi muikala ulomba kudi mfumu wa ditunga bua kukoka Mena Kazadi ku matshi bua apatula mfualanga eyi ya kasolonyi pa lukasa.
Difua dia ditanda dia Transco didi dimueneka ku kakesa ku kakesa. Nanku bamanyi bapiluka badi munkatshi mua didiebeja bua tshinyi bukalenga bua ditunga dietu budi ni lujoku mu ditangila ni dilondeshilula malu a ditanda edi dia Transco, bu muvibi bienzaka bua ditanda dia Congo Airways.
