Masungula a 2023: Tshisumbu tshia Nouvel Elan tshidi mu Tshihangu tshinene bua kuleja patoka wenda muntu wikala bua kufila mpala bu mfumu wa ditunga
Tshihangu etshi tshia tshisumbu tshia tshididi tshia Nouvel Élan ntshibanga katshia lelu eu wa dinayi dia matuku 28, ngondo eu wa kabitenda tshidimu etshi munemu mu Tshinsansa mu Commune wa Nsele, quartier Bibwa.
Tshihangu etshi tshia tshisumbu tshia Nouvel Élan, tshidi tshikala tshia butontolodi. Badi benza tshihangu tshinene etshi bua kumona mua kusungula wabu muntu wikala bua kufika mpala bu mfumu wa ditunga mu masungula ikala bua kuenzeka mu Ngondo wa tshisua munene tshidimu etshi.
Bua Blanchard Mongomba, udi muikala mufundi mukulu wa tshisumbu tshia tshididi etshi, malaba ne dikala dituku diabalabu mapangadika onso ikala bua kuangatshibua mu tshina tshipangu etshi.
Tshisumbu etshi mfumu watshi udi Adolphe Muzito udi muikala mena kavulambedi wa kala, nanku ba wetu babunyi mbafuma ku nseka yonso ya tshinsansa bua kulua kuangata mapangadika manene alua kulombola tshisumbu etshi tshia tshididi mu matuku alonda.