Kinshasa muakidika ne disanka dia bunyi manyoka mapiamapia mapesha balombodi ba AFC/M23
Mu dimanyisha difika mu dinda emu ku tudiomba tuetu tua une.cd, bukalenga bua ditunga dietu dia Congo wa mungalata budi busanka bikola ne manyoka mapiamapia adi nsangilu wa matunga a Europe bupesha balombodi ba bunyi ba tshisumbu tshia M23.
Mukana mua muakuidi wa bukalenga bua ditunga dietu Muyaya Katembu, bukalenga buetu « mbufunde se manyoka a union européenne ni makuabu onso adi mikala mafidibue ne makuabu Adi États-Unis, Grande-Bretagne, Allemagne, Canada kudi bena ditunga dia Rwanda, bidi bikala bileja patoka dipila Dia bukalenga bua Rwanda mu tshinyangu tshidi tshikala tshienzeka Ku luseka ludi diba dipatukila dia Ditunga dietu »
« Mbuena kuamba se biluilu bia ditunga dia Rwanda mbibuela Ku bukola mu ditunga dietu. Didi dikala diambula lufu lua Bantu bonso batue Ku 8.500 badi bafue ni bienzedi bionso bia tshinyangu mu ma mpitadi, dibueja Dia Bana Ku bukola Ku busalayi, katuyi tumua moyi diangata dia ba mamu Ku bukola », ki mualeji Patrick Muyaya Katembu nanku.
Ne kabidi, Tshinsansa tshidi tshisanka kabidi bikola ne manyoka mapesha ditanda dia Rwanda dia mabanji kudi Union européenne, ditanda dia kasolonyi ni ngolo bia Ku Gasabo
Manyoka aa adi mikala tshitupa tshia kumpala tshia kuluisha diba dia manema a mu buloba a mu ditunga dia Congo wa ba nkambua kudi ditunga dia Rwanda.
