Tshinsansa: Kasumbu ka Women of Faith nkaya kukumbula bua kusamba ba wetu bonso bavu mayi a mvula mabuelela
Kasumbu kadikale ka "Women of Faith" nkaya kusamba bena ntanda bonso bavu mayi a mvula mabuelela mu mbanza munemu mu tshimenga tshia Tshinsansa.
Nanku balombodi ba women of Faith baleji bua se kabavu bua kushala bakanga matshi abu nansha ku mbila ya makenga ivu mikala ifuma mu commune inayi ya mu tshimenga tshikulu tshia mu Congo wa ba nkambua. Nanku, inabanza Banze Nadine ni bena dienda bonso bavu badiendesha to ni mu Masina mu dibidi dishala dia matuku 27 ngondo wa luishi wajiki eu ni kabidi mu Ngaliema mu disatu dia matuku 28 bua kupesha ba wetu bia kudia ni bikuabu bia kudiambuluisha nabi.
Tukuata bua se, commune 5 ya munemu mu tshimenga tshia Tshinsansa ki ivu mikala misungidibua bua kupeta diambuluisha kudi kasumbu aka. Ki yoyo eyi: Masina, Limete, Mont- Ngafula, Ngaliema ni commune wa Kinshasa.
Bua Nadine Banze, mulombodi wa kasumbu aka, etshi tshidi tshikala diandamuna dinenke ku miadi ya bana betu bavu bikala badila mu ma commune aa.
Nanku, tshitanda tshia bansantu ba mu matuku a ndekelu anyi Saints des derniers jours ki tshivu tshikala tshibanji tshia tshina tshienzedi tshia mushinga mukola etshi.
Bavu bapesha bantu bintu bia bunyi bu mudi mifuku ya losa, ndundu ya mafuta, mahuihila, malalu bua kulala,... Bantu bavu bapeta bintu ebi bavu basanka bikola, nangananga tatu eu wa commune wa Limete/Kingabwa uvu mufuisha mukajenda mushiya bana batua ku muanda mukulu.
