Lufu lua Chérubin Okende: Tshisumbu tshia tshididi tshia Ensemble tshialeji bua se, nkomenu wa malu udi balumbuluishi bafila, kena muikala upetangana ni bulelela nansha
Bena tshisumbu tshia tshididi tshia muena ntanda ufuila Chérubin Okende, ki Ensemble pour la République, badi bikala bakupa mitu babenga tshikosu tshia malu tshidi balumbuluishi ba ku tubadi bafila pa bidi bitangila lufu lua muena diabu bua se, mbia dishima ki mbilela nansha. Mbabileja nunku mu muyuki muenza makelela wa ditanu dia dituku dimue dia ngondo eu muisatu.
Bua bena Ensemble, bidibu baleja kudi ba nzuji aba bidi bikala dishima, kabiyi bikala pabuipi ni bulelela nansha. Bua bena tshisumbu tshia tshididi tshia Katumbi Moïse, Nzuji udi muamba malu aa, ki mumanya mudimu wenda nansha, ni kabidi, kena nansha mumanya bidi bikala bipitakana mu tshina tshilumbu etshi nansha. Bidi bileja mudi malu a ndumbuluishilu wa bilumbu mikala apitakana munda mua ditunga dietu.
Nanku bena Katumbi badi balomba kabidi kudi ba nzuji aba bua bela patoka luapolu anyi mulubu wa autopsie uvu ba minganga benza bua kumonabu bua kuelelanganabu menji.
Nanku bena Ensemble badi bajadika se, dibenga kuela patoka luapolu elu lua ba minganha anyi autopsie panyima pa ngondo mitua ku muanda muteketa, nkuenza bua se bena diku dia Okenda bakuata katanyi kudi bena tubadi, buabu bobo, badi bikala ni tubidi tua ndumbi.
Bionso ebi bidi bikala bienjibue banyima pa nzuji mukulu wa ku tubadi tua cassation muakula kumpala kua ba kamona kamba, muleja bua se Chérubin Okende ki mbamushibeya nansha, udi muikala mudishibeya nkayenda, mu diasa dizaji dituku divubu bamusangana mufua adi.
Tumanya bua se, tshihuita munua mfuanka Okende uvu muikala musangana mufua mu matuku 13 ngondo wa muanda muteketa tshidimu tshiashadi etshi. Mulubu wa ba minganga uvua muenzeka katshia ku matuku 3 a ngondo wa muanda mukulu, tshidimu tshia 2023 kudi bena matunga a bunyi: Belgique, Afrique du Sud ni bena tshisumbu tshia Onu.
