Tshilumbu tshia Mutamba : Mena kavulambedi Judith Suminwa muindila Ku tubadi bu ntemu
Bua musangu muisatu pavuabu bamulumbuluisha, Mena wa kala Mutamba wa malu a tubadi Constant Mutamba, vu mulomba bua mamu Judith Suminwa alua kuakula bu ntemu wenda bua kuleja butoka se, kena mu malu adibu bikala bamufunda nansha.
Constant Mutamba mutela kabidi mamu Rose Mutombo, Didier Budimbu, Mena wa malu a manaya, Kisula Betika Yéyé Adler, mufundi mukulu wa Cenaref, Alexis Gisaro, Mena udi utangila malu a bibambalu ni midimu ya mbulamatadi ne banena ba bunyi bakuabu va mu ditunga dietu.
Ne bikala bua kuikala Ku tubadi mu matuku 4 a Ngondo wa tshimungu wa mashika eu. Ne ba ntemu ba bunyi nebikala bua kulonda wabu muenenu wa malu bu mudi : mutangidi wa bisalu bionso bitu mbulamatadi wenza, mufundi mukulu wa ministele ya justice, ne mutangidi wa malu a bisalu bia mbulamatadi amu mu mina ministele eyi.
Mbatela bantu bakuabu ba bunyi bikala bua kulua kuina Ku tubadi etu bu ba ntemu : mufundi wa Ku ministele ya bibambalu, mulombodi wa Frivao ni mutangidi wa nzubu udi ditanda dia Zion dikala.
Bionso bivu bakuidi ba Mutamba baleja bavu babibenga kudi ba nzuji. Nanku ke bakuidi aba kulomba bua se babapesha tshiholu tshia matuku bua kuela menji pa bionso ebi munda mua mbingu ibidi.
