Tshilumbu tshia Bukanga Lonzo: Bantu basatu mbafundibue bua se mbiba makuta mbombo ya ndola 200, ki Matata Mponyo, Gilbert Christo ni Deogracias Mutombo
Nzuji wa ku tubadi tua cour Constitutionnelle wafidi tshilumbu bu bujima buatshi kudi balumbuluishi bua se bafila diba dia kubanga dilumbuluisha tshilumba etshi tshia muanda udi utangila budimi bua Bukanga Lonzo. Nanku Matata Mponyo, Gilbert Christo ni Deogracias Mutombo mbatedibua bua se bobo ki badi badia mfualanga eyi mbombo 200 ya ndola ya muana muena amerika kabayi benza nayi mudimu nansha.
Bilondeshile malu adibu bikala babafundila ba wetu aba mu tshilumbu etshi, Nzuji muleja Matata Mponyo yeya nkayenda muangata makuta matua ku ndola 115.997.106 ivuyi mudinga ni mupesha ditanda dia bena Afrique du Sud africom Commodities.
Mulombodi wa kala wa banque, ki Mutombo Deogracias kabidi ni yeya Matata mbadia ndola mbombo 89, ivu mikala mifila bua kuasa tshisalu tshinena munemu mu Tshinsansa.
Mu mukanda wenda uvu mufundila tubadi etu tua cour constitutionnelle, nzuji Mukolo Nkolesha Jean Paul, mulomba kudi nzuji mukulu wa tubadi etu bua se atangila tshilumbu etshi tshia buivi bua makuta ebu, nanku afila dituku bua kulua kulumbuluisha ba wetu aba, kumpala kua bena Congo bonso.
Tushala kumanya bua se Deogratias Mutombo, mubuele mu tshilumbu etshi padibu bumbusha bantu bavubu batela kalakala bu mudi, wivine Mumba ni Patrice Kitebi.
