Dibuela dia ku bukola dia kasumbu ka force du progrès ka UDPS kua Kabila: « mbabatuma bua kulua ku nshibeya mema », Ki muambi Olive Lembe
Kumpala kua ba kamona kamba, Olive Lembe waleji kanyinganyinga bua dilua kubuela ku bukola kudi bena force du Progrès ba UDPS mu lupangu luenda lua mu Gombe.
Olive Lembe udi umona mu tshienzedi etshi menji mabi a ba ntomboji aba ba UDPS bua kumushibeya yeya.
« Ndi ndomba kudi balombodi bonso bua bunzulula mesu abu pa njiwu idibu bikala batulongoluela kudi bena UDPS. Mbimueneka ni kudi bukalenga kampanda budi buikala buenza mudimu pa muaba wa mbulamatadi mulelela. Kabiena bileja buimpa bua mbulamatadi wetu nansha », ki mualeji Olive Lembe nanku.
Tunuleja bua se, bena force du progrès ba UDPS batua ku lukama bavu bateta bua kubuela ku bukola mu lupangu lua mfumu wa ditunga wa kala Joseph Kabila. Nanku bingoma bivu bidila ku luseka eku bualu balami ba lupangu ne bena force du progrès bavu munkatshi mua bimvundu bikola. Ni kabidi Olive Lembe uvu muikala mu lupangu amu pavu malu aa mikala enzeka. Ba mpulushi baleji ni mbakuata bantu batua ku dikumi bavu bikala bajula bimvundu ebi.
