Moïse Katumbi ku Isiro: « Balongeshi badi bafutshibua 50.000 Fc, tshihuita munua mfuanka tshipeta 21.000 USD »
Munkatshi mua dienza enda madisuisha bua kulua mfumu wa ditunga, Katumbi Moïse, mufika ku Isiro, mu province wa Haut-uelé wapepeji kalasa ka patupu, bualu buenda yeya bidi bikala amu musambu wa patupu pa ludimi kakuyi bua nsongu mu tshienzedi nansha bumue to.
Candidat udi muikala ni nomba 3 bua masungula a mu ngondo wa 12, waleji dipanga nzembu, dipanga mayi, dipanga njila,... Ki malu manena buenda yeya adi bukalenga budi mu nkuasa ebu kabuyi bukumbana kujikija nansha.
« Bidi bikala bikemesha bikola bua mulongeshi bamufuta 50.000 Fc, padi tshihuita munua mfuanka muikala ufutshibua 21.000 USD, udi mulongeshi eu muikala ulongesha. Haut-uelé mupanga bionsu. Ndi mumanya bua se, ne alua kabidi kunushima ni lunzadi luenda lua malaya muabeu bua nenu ku musungula kabidi. Numuebejayi tshidiyi muenzela province wenu eu ntshinyi? », Ki muambi Katumbi.
Nenu bansungula, ndi nuelela tubudimbua mu njila yenu yonso ya munemu, bu mumvua muenza pamvua ndombola Katanga wa madi pa kala.
Nanku pavuyi wakula apu uvu muikala ni bena dienda ki Matata Mponyo, Kikuni Seth ni Diongo Franck, kumpala kua musumba wa bantu bapita bunyi bavu balua ku muteleja.
