Felix Tshisekedi wambidi ba ntomboji ba M23 ni: " Badi batungunuka ni kushibeya bantu, bikala kabidi balomba miyuki netu itudi katuyi bua kubapesha nansha"
Mu diakula dienda kumpala kua banena ba Nations-Unies, mu tshihangu tshia 78 tshia ONU, butuku bua mu disatu dia matuku 20 a ngondo eu wa kabitenda, Mfumu wa ditunga dietu Félix Tshisekedi Tshilombo wakudi bua malu adi atangila bupola mu ditunga dietu ni nangananga ku luseka lua Est wa ditunga kudi kuikala bimvundu bipita bunyi bikeba kudi bena M23 batua nyama ku mikolu kudi ditunga dia Rwanda.
Félix Antoine Tshisekedi Tshilombo, ni diyi dia tshikisu tshikola waleji bua se kakuakuikala muyiki nansha umue to, pankatshi pa bukalenga bua ditunga dietu ni ba M23 nansha.
Amu mu diakula dienda dina emu wedi kalumbandi bua manyoka adi mikala mafidibua kudi ditunga dia Amerika kudi ba mfumu kampanda ba ditunga dia Rwanda badi bikala batua ba ntomboji ba M23 nyama ku mikolu. Walombu kabidi kudi tshihangu tshia Onu bua se tshifila manyoka a momumue aa kudi bena Rwanda, bualu bia kutuishibua nabi bionso bua kuleja se Rwanda ki udi panjima pa ba ntomboji ba M23 badi nabi, kadi mbindila tshinyi ? Bikengela kufila manyoka makola kudi aba bonso badi bikala bafila bimvundu mu ditunga dietu.
Tshisumbu tshia M23, ntshivudija mitoyi ya bunyi matuku aa bua kuenza mvita too ni ku Tshinsansa, mikanda yonso mitua biala ku Luanda, ku Nairobi kabena bayilonda nansha.
