RDC : Mulubu wa bena CENCO- ECC kawena uleja patoka ne Rwanda ki udi uluisha ditunga dietu nansha [conseil Inter-religieux Congolais]

Bua bena tshisumbu etshi tshia nsangilu wa bitendelelu bia Nzambi, bualu butamba bunena budi buikala kabuyi bumueka mu mulubu emu, budi buikala dibenga kufunda ne Rwanda ke udi uluisha ditunga dietu kupitshila Ku ba ntomboji ba AFC/M23.

"Bua padibu kabayi baleja patoka mu mulubu wabu eu udi muikala Ku mutu kua mvita idi iluisha ditunga dietu, bidi bikala Katanyi kadi kapuekesha mushinga mifundu yabu yonso", ke mudi Évêque Jacques Martin, mufidi wa ngumu muleja.

Luapolu luabu elu ludi luleja kabidi dipanga butoka bua kuleja eu udi bua kubikila bena Congo bua kusomba pamue kuyikila bua malu adi enzeka mu ditunga diabu. Badi bikala bapepeja mfumu wa ditunga, bamushiya bu muntu yonso tshianana walua bua kulua kuyikila, bapua moyi muaba wenda bu mfumu musungula wa bena Congo, bu mudi meyi ni mikandu bia ditunga dietu bilomba.

Ne kabidi, Mulubu eu wa bena CENCO- ECC udi ufila muaba munena amu Ku dikeba dia bupole, upua moyi muaba wa Tubadi tuetu bua bibi bionso bienza.

"Katuena mua kuakula diumvuangana patudi katuyi balejangana patoka bionso bidi bienzeka, kuleja aba badi bikala bapetakana ne njiwu, kuleja mushindu wa kulongolola njiwu eyi pa kufila ba nguluba wa tshianyangu ku tubadi nansha ". Ke mua tungunuku Muepiskopo Yoka nanku.

Buenda yeya, bidi bimueka se , mbienza bu miyuki ya bantu Badi kabayi bamanya tshidibu benza nansha. Ke kayi bikengela kuenza miyuki idi bena ntanda bonso bindila pamutu pa kuya kudiakuila kakuyi diumvuangana dia bushuwa, bantu bashala ne mputa Ku moyi.

Balombodi ba tshisumbu tshia CENCO- ECC bavu baye kaleja mfumu wa ditunga dietu Félix Tshisekedi Tshilombo luapolu lua Mulubu wabu eu, katshia Ku disambombo dia matuku 21 a Ngondo muisambombo, nanku mfumu wa ditunga uvu mubalomba bua kuenzabu mudimu ne mufidi wenda wa ngenyi Eberande Kolongele ne kabidi benza midimu eyi ne bisumbu bikuabu bia ntendelelu bu mudi etshi tshia Dodo Kamba.