Fridolin Ambongo mu Kigali : « Patuikala tetu Ku luseka lua ekeleziya tumvuangana, bua tshinyi ku luseka lua bena tshididi kabena mua kuenza momumue ? »

Kumpala kua ba kamona Kamba wa nseya, muepiskopo wa Tshinsansa ni mulombodi wa SCEAM uvu udiebeja bua dipanga Dia bu wetu pankatshi ba balombodi ba matunga a muana wa mukua mufika. Badi bikala bashibeyangana pa muaba wa kukeba bu wetu bu mudi bepiskopo ba katolo wa ngonga bikala benza.

"Patuikala tetu bena ekeleziya tukeba diumvuangana ni bupole, tudi tudiebeja bua tshinyi Ku luabu luseka bena tshididi kabena wa kuenza momumue  ?" , ki muadiebejiyi kunyima kua kukumbaja se, " etshi tshidi tshikala tshiena bualu tshia milombu yetu. Tudi bikala munkatshi mua ditata muanda eu mu bula ni mu butshiama".

Ba kumvua ba kamona Kamba wa nseya ba mu ditunga dia Rwanda, Cardinal Ambongo muleja patoka, ni muela kashonyi pa buimpa bua kasumbu aka ka SCEAM mu Kigali, bualu kadi munkatshi mua dilongolola nsangilu munene wa bepiskopo bonso ba mu Afrika ni mu Madagascar udi muikala mulongolola tshidimu tshialua kumpala etshi mu tshine tshimenga esthi.

" Pa tshibidilu kasumbu aka katu kikala kasangila muaba udibu baleja bua kuenza nsangilu wabu bua kutangila ni bionso bia kuenza ne bikadi  bikumbana, ki mua kumbaji Ambongo nanku.

Kasumbu ka SCEAM kadi kikala kenza bilondeshile dikosolola Dia bitupa bia mabanji a bena ekeleziya wa katolu wa ngonga mu Afrika.