Félix Tshisekedi: « L'AFC, si Joseph Kabila »
Mfumu wa ditunga dietu Félix Tshilombo ki muela mayi mukana nansha, ku tudiomba tua Top Congo, wambi patoka bua se, Joseph Kabila Kabange yeya ki muimanyinyi wa kumpala wa tshisumbu tshia Alliance Fleuve Congo.
Bua Tshilombo wa Tshisekedi, muimanyinyi wa tshisumbu tshia FCC ( Fronc commun pour le Congo) wakabenga ni bena dienda bua kuya ku masungula avu menzeka mu matuku 20 a Ngondo wa tshisua munene tshidimu tshishala etshi bua kubanga kuluisha ditunga dietu panyima pa ba ntomboji ba AFC, badi bikala bena dia ba ntomboji bakuabu ba M23.
"Joseph Kabila? L'AFC, si nyeya. Wakabenga masungula bua kudienza ntomboji (...) L'AFC udi muikala upetengana ni bena ditunga dia Rwanda bua kuluisha RDC", ki mualeji mfumu Tshilombo wa Tshisekedi.
Musangu kampanda Félix Tshisekedi uvua kabidi mutela Joseph Kabila ni udi umue wa ku bantu badi bikala bakeba bimvundu munemu mu ditunga dia Congo wa ba nkambua, mbimueka ni ki muanji kushintulula muenenu wenda wa malu eu nansha.
Tumanya se, Joseph Kabila uvu muikala mutedibua kudi bafidi ba ngumu ba ku luseka lua basalayi bua se yeya udi muikala umue wa ku aba badi batua tshisumbu tshienda tshia AFC nyama ku mikolo.
