RDC: jean Marc Kabund bamukosedi bidimu muanda muteketa bia buloku
Tubadi tua Cour de cassation tualeji patoka tshibawu tshikosela muena ntanda Jean Marc Kabund, tshihuita munua mfuanka musungula munemu mu Tshinsansa.
Tubadi tualeji bua se Kabund mupila ku malu a bunyi. Ni kabidi tshibawu tshia tubadi tshidi misangu ibidi tshikola tshipita tshivu mbulamatadi mulomba mu dia matuku 14 a ngondu mushala, uvu mulomba bidimu bisatu bia buloku bua Jean Marc Kabund.
Bavu bamukuatshila malu 12 avu Kabund muenza bu mudi, dipenda dia mfumu wa ditunga, biakulakula, dipepeja dia bukalenga budi mu nkuasa ni kubadingidila malu, ...
Cour de cassation musangisha bilema bionso bienza kudi Jean Marc Kabund bu mudi "bipendu kudi mfumu wa ditunga", bidimu binayi, ditampakaja dia ngumu mibi, ngondo 16, ...nanku pasangishibu bilema bionso ebi ki mudibu bapeta bidimu muanda muteketa bia buloku, ki mualeji avocat wa Kabund Kadi Diko. Panyima waleji kabidi ni ngondo 84, atshi ntshikisu tshipita bukola.