RDC: Katshia ku dimua edi mbakangula tshihangu tshinene bua kulondolola malu adi atangila Etat de siège mu province wa Nord-Kivu ni wa Ituri
Tshimenga tshia Tshinsansa ntshiakidila mu matuku 14 too ni matuku 16 a ngondo eu wa kashipu mpumpumpu bawetu ba ku nseka yonso inayi ya ditunga dietu dia Congo wa ba nkambua bua kumona bua kuelangana menji pa muanda udi utangila etat de siège mu ma provinces aa abidi: Nord - Kivu ni Ituri, pa dipangadika diangata kudi mfumu wa ditunga Félix Antoine Tshisekedi Tshilombo.
Ni bienzekela mu Palais du peuple, bantu babunyi nebikala bua kubuela mu tshine tshipangu etshi, bu mudi bamanyi baapiluke ba mu nzubu wa mudimu wa mfumu wa ditunga, bena mu bukalenga bua ditunga, bena bisumbi bia bididi, bena société civile ni bena midimu ya bukubi bua ditunga.
Bantu ba bunyi badi balomba bua se bumbusha etat de siège eu mu ma province aa abidi, bu mudi mulombodi wa kala wa province wa Nord Kivu, muena muabu Julien Paluku, udi muikala meena udi utangila malu a matanda.
Uvu muleja se buenda yeya kakuena bualu bupiabupia budi buikala buindila mu tshisangilu etshi nansha, padibi kabiyi bua kumbusha etat de siège eu nansha", etshi ntshiakuidi tshia Julien Paluku.
Tshia kulama ntshia ni province eyi ibidi Nord-Kivu ni Ituri badi bikala mu etat de siège kukadi bidimu bibidi. Nanshi mudibi bikala nunku, bantu ba bunyi badi bikala bashipibue ku luseku elu matuku onso, nansha mudi etat de siège muikalaku, ni ba ntomboji babunyi batuma ku luine luseka eku.