Tshinsansa : Général Kilimbalimba wabengeshi ba mpulushi bua kukuata ni kuya ni mashinyi adi mimana bibi mu njila ku bilo
Mulombodi wa ba mpulushi mu tshimenga tshia Tshinsansa Ki Général Blaise Kilimbalimba, wakandiki ba mpulushi ba PCR bua kukuata mashinyi mu misesu minene ya munemu mu tshimenga tshia Tshinsansa. Bionso ebi amu bua kuluisha ntatu ni makenga bidi ba kanyema bamona mu njila padibu ni tundiendela ndela.
Amu mu mina mapangadika aa, Général Kilimbalimba wabengeshi dikuata dia mashinyi ni diya nawu mu bilo bia ba mpulushi kudi ba PCR.
" Bidi nangananga bu mudi Regideso mu musesu wa 30 juin, Reine de paix, tshibueledi tshia mu Camp Lufungula mu Huileries tiiiii ni Ku Palais du peuple (...), musesu wa libération tooo ni Ku lupitadi lua Cinquantainaire".
Blaise Kilimbalimba walombu kudi ba kanyemesha Bikala badimona bakuatshibua mu miaba eyi kudi ba mpulushi bua "kumanyisha musangu umue" kudi balombodi ba ba mpulushi bua kupeta mandamuna pa lukasa.
Bionso ebi mbienzeka bualu bena tundiendela ndela ba bunyi bavu bikala bela mbila ya kanyinganyinga bua ntatu ivuabu bikala bapeta mu njila kudi ba mpulushi nangananga aba batu bambula mashinyi adi mikala mimana bibi mu njila.
