RDC : Bukalenga bua ditunga budi munkatshi mua diditatshisha bua kusulakaja tshitunga tshia ba mamu
Kusulakaja disumba dia bintu bua ba wetu bonso ba mu Congo, ki tshivu tshikala mu nkatshi mua miyuki mienza pankatshi pa ba kamona kamba ni bukalenga buetu mu dia matuku 12 ngondo wa muanda mukulu tshidimu etshi.
Bua mena tshindonda udi utangila malu a mafueta, diba dia kumbanyi bua ku sulakaja tshitunga tshia mamu muena ku nzubu pa kubandisha nsumbilu wenda wa bintu mu bisalu bietu.
"Tudi bamanya bimpa bua se, mapangadika atudi tuangata aa ni atuangata makuta a bunyi, nanku tukavu bamana kusungula ngenzelu wa malu eu amu bua kupepejila ba mamu kusumba kuabu kua Bintu. Ki mutuvu benza kabidi kukadi bidimu bia bunyi bua bidi bitangila kasolonyi. Pankatshi pa kusumbisha ba wetu kasolonyi ku mushinga waku menamena tuakanyisha bua bukalenga buikala bujimija makuta, bufutshila bena ntanda ndambu wa mfualanga eu", ki mualeji mena tshindonda eu nanku.
Mulongeshi Mukoko Samba Daniel waleji kabidi malu a bunyi manena adi bukalenga buetu munkatshi mua dienza bua kuambuluisha bena Congo nangananga mu malu adi atangila kasolonyi.
Tunuleja bua se, mamanyisha aa manena malua bilondeshila mapangadika mangata kudi mfumu wa ditunga Félix Antoine Tshisekedi Tshilombo bua kumbusha bitadi bia bunyi bidibu bikala bafutshisha ba wetu pa malu adi atangila bidibua bidibu bikala basumba kua ba benda.
