Fayulu Martin Ku France 24 wambi ne : « Tshihedi tshia Tshisekedi ntshia kuikala mu kazubu bua kukuata ndundu, ki mbua kuikala mfumu wa ditunga nansha »
Mubikidibua Ku tudiomba tua France 24 mu dibidi dia matuku 3 a ngondo wa tshisua munene utudi nenda eu mu meba a dilolo, Fayulu Martin waheheji mfumu wa ditunga dietu bikola katshia wangata bukalenga buenda mu tshidimu tshia 2019 tooo ne lelu.
Udi uleja ni bidi bia "bundu" bua bunyi bua mfumu wa ditunga kuya kanaya ndundu wa bupole mu tshipalu tshia Martyrs, bua Fayulu Madidi, muaba wa Félix Tshilombo ki Ku mutu kua ditunga nansha.
" Padi misoku mitua Ku 100 mikala mu bianza bia ba ntomboji, Mukalenga Tshilombo Wa Tshisekedi udi uya yeya bua kuya kanaya ndundu. Bena ntanda bonso mbamona bua se bidi bikala bia bundu bua bunyi. Mbimueka bua se, Tshihedi tshienda tshidi tshikala tshia kunaya ndundu, kadi ki ntshia kulombola ditunga dietu bunena budidi ebu nansha" , ki muvu mutontolodi Fayulu muleja.
Bua bidi bitangila menji a kushintulula constitution wa ditunga dietu, Fayulu Martin udi wela menji se, mfumu wa ditunga dietu Félix Antoine Tshisekedi Tshilombo udi muikala unaya ni mudilu, ni bidi bikala diyila ditunga dienda mu tshipangu tshia lufu.
"Kanungu ka 64, mu tshitupa tshiaku tshibidi kadi kaleja patoka se : kuteta konso bua kumbusha bukalenga buteka mu nkuasa kudi constitution bidi bikala kubuelela ditunga dienda mu tshipangu tshia lufu. Bena ditunga kaba kudilekelela bua ba bamuenena nansha, ki mua kumbaji Fayulu.
Mitoyi bua kushintulula constitution idi mikala mivule mu ditunga dietu. Mfumu wa ditunga dietu uvu muikala mulaya bua se mu ngondo wa tshiongo wa minanga wa tshidimu tshia 2025 tshidi tshibangisha mu matuku makesa emu ne enza kasumbu kikala bua kuelangana menji bua kufila muenenu wa malu mupiamupia mu constitution utudi nenda eu.
