Makokianganyi pankatshi pa RDC ne Rwanda : Biluilu bia RDC biateki drones 3 ya bena ditunga dia Chine mitangila mu Rwanda (Bileja kudi Jeune Afrique)
Munkatshia mua lumu luabu lufunda mu ditanu dia matuku 10, nfondo wa 11, tshibejibeji tshia jeune Afrique tshialeji bua se majinda etu a Congo wa ba nkambua (FARDC) mayeka drones 3 ya bena ditunga dia Chine mitangila mu ditunga dia Rwanda, nangananga mu tshime'ga tshia Kigali.
" Mena a drones eyi ya mvita adi CH-4B, biamu ebi bia mvita bidi bikala bimanya bua kulua mvita kahitshi. Biya tooo ni bula bua metela matua ku 3 500 ni ku 5000 km kubangila ku Goma, nanku bidi bua kufika tooo ni mu Kigali.
Amu bobu bena jeune Afrique, baleji kabidi bua se biluilu ebi bia mvita bivu bikala bilombibue ku ntuadijiku wa tshidimu tshia 2023 kudi mfumu wa nzubu wa masolayi, lieutenant Général Franck Ntumba.
Bimpa tunuleja kabidi bua se, ba ntomboji ba M23, batua nyama ku mikolu kudi Rwanda badi batungunuka ni kuenza tshinyangu tshia bunyi ne kushipa bantu mu ditunga dietu, kabayi balonda diteka dia bingoma panshi bu mudibi bilombibue kudi mikanda mitua biala mu Naïrobi anyi mu Luanda.
Matuku ashadi aa biluilu bia ditunga dietu bivua bisangila ne majinda a ONU bua kuenza mvita pamue kuluisha ba ntomboji ba M23 aba bua kabafiki mu Goma nansha.
