Mvita ku luseka ludi diba dipatukila dia ditunga: Bamana kututshibua ni kupituka babunyi ku mudilu wa bingoma bia ba "wazalendo" ba ntomboji ba M23 badi mu mbilu, bashiya misoku ya bunyi ku luseka lua Masisi
Ba ntomboji ba M23, batua nyama ku mikolu kudi biluilu bia Rwanda badi mu lubilu ku misoku ya bunyi ya ku Masisi , mu province wa Nord-Kivu. Mudilu mukola mubatemena, mufuma ku bingoma bia bena ntanda banangi ba ditunga ba " wazalendo", katshia kuntuadijilu wa lumingu lutudi nalu elu.
Bionso ebi ki bidi tudiomba tua ku luseka elu lua Nord-Kivu tuleja, ni tujadika kabidi bua se mu dituku dia dinayi dia matulu 5, ngondo wa kasua mansensa, mvita mikola mienzeka pankatshi pa ba wazalendo ni ntomboji ya M23 katshia ku meba a patshiatshia.
"Tufika mu nkakala wa munya ne tusunsa makumi asatu, mukuna wa Kasopo ukavu mu bianza bia ba wazalendo. Mukuna eu utu mu musoko wa Kibarizo. Patudi tuakula apa mvita idi itungunuka ku Kanaba/ Mulimbi mu tshitupa tshia Tongo, ku luseka lua Rutshuru", ebi mbileja kudi bena dia ba wazalendo.
Ba wetu aba baleji kabidi bua se, ba nsonga ba ba wazalendo mbipata Colonel MTEKANO wa ba M23-RDF, mu mukuna wa Kasopo wa muaba wa Kibarizo, ku Masisi.
Ba wazalendo badi batudi tuakula apa mu dipatshisha dia ba M23 badi bikala mu lubilu. Ki kayi, Bertrand Bisimwa, mulombodi wa ba M23, udi muikala ufunda masolayi a ditunga dietu bua se bobo ki badi bikala ba benza mvita eyi, kabayi balonda diteka bingoma panshi bu mudibi bilombibue kudi mikanda mitua biala kudi bitupa bionso bidi bikala mu Mvita nansha.
