Tudiomba: Stanis Bujakera mukuatshibua bua malu makuabu adi ka ayi atangila mudimu wenda nansha ( Biamba kudi: ASADHO, ODEP ni Justicia ASBL)

Mu dimua dia matuku 2, ngondo wa kasua mansensa,  kumpala  kua ba kamona kamba, bisumbu ebi bisatu bialeji bua se, mbakuata Tshiamala kakuyi dinemeka nansha dimue dia meyi ni mikandu bia ditunga nansha. Bualu dibenga kunemeka didikadila dia tudiomba mu ditunga dietu, nangananga mu kanungu ka 104 ka meyi a malu adi atangila tudiomba kudi balombodi ba tubadi, ki kudi kubatuisha bua se kudi bualu bukuabu ki mbua mudimu wenda nansha.

ASADHO, ODEP ni Justicia ASBL bafundu bua se badi badiata, kabayi banemeka nansha kanungu ka 95 ka meyi ni mikandu bia tudiomba, ballomba Tshiamala bua kufilayi muaba udiyi mupetela ngumu eyi, pa dishipa dia tshihuita munua mfuanka Chérubin Okende, mena wa kala wa malu a tudiendela ndela.

Bua bisumbu ebi bia société civile, bidi bikengela kuebeja mutangidi wa tshibejibeji tshia jeuneAfrique, ki udi bua kuandamuna ku tubadi makonka onso aa, ki Bujakera nansha. Bualu mifundu idi mu tshibejibeji etshi ki nyeya udi mutua biala to, nansha mudiyi muikala mufidi wa ngumu mu tshibejibeji etshi mu ditunga dietu dia Congo wa mungalata. Nanku, bua tshinyi kukuatshisha muntu bua mifundu idiyi kayi mutua biala nansha? Ki mudi bisumbu ebi bidiela nkonku.

ODEP, ASADHO ni Justicia ASBL badi balomba bua kulekela Bujakera Tshiamala kakuyi kadiwu nansha kamua nansha. Badi balomba kabidi kudi mfumu wa ditunga bua kulondolola bua se meyi ni mikandu bia ditunga binemekibua mu tunungu tuayi tonso, nanganaga idi ilondangana ni budikadila bua tudiomba.

Tukuata bua se, Tshiamala Bujakera mukuatshibua katshia ku matuku 8 a ngondo wa kabitenda ku tshipalu tshinena tshia ndeka tshia N'djili penda muikala ukeba kuenza luendu. Badi bamujoja ni katenyi ka " kufunda malu a mafi", kuntentula bitampi bia mbulamatadi, kutampakaja mitoyi ya dishima ni mikenji ya mafi.