RDC : « Majinda a ditunga dietu bikengela ambuluisha ba wazalendo, kabena benza bibi nansha, badi basungila ditunga diabu », biamba kudi mfumu Tshilombo wa Tshisekedi
Mu miyuki mienza pankatshi pa mfumu wa ditunga dietu ni tudiomba tua RFI ne tua France 24, Tshilombo wa Tshisekedi wambi ni yeya udi usanka ne bidi ba wazalendo benza abi bikola.
Amu mu mina miyuki eyi mienza mu dinayi dia matuku 17, ngondo wa 11, tshidimu etshi munemu mu tshinsansa, ku nzubu wenda wa mudimu anyi palais de la Nation, mfumu wa ditunga ni benyi benda aba bakudi kabidibmalu a bunyi adi atangila ditunga dietu, nanku bua bidi bitangila majinda a muetu munu, mfumu wa ditunga wambi ne udi usanka ne bidi ba wazalendo benza bikola.
" Bidi bikengela bua se, majinda a ditunga dietu aya lukasa bua kutua ba wazalendo nyama ku mikolo, bualu bidibu benza, badi bikala baluangena ditunga diabu tshianana kabayi bindila nansha difutu, ki mbadiata pa diyi anyi mukandu nansha umue wa diyunga dietu nansha." , Ki mualeji mfumu wa ditunga dia Congo, Félix Tshisekedi nanku.
Watungunuku ni diumvuija bua se, aba ki bena ntanda bashuwa shuwala, badi bikala bafila mioyo yabu bua ditunga dietu. Ki mualeji kabidi mfumunwa ditunga. Bua mudibu babanyenga misoko mikuabu ku bianza wambi bua se, ba wazalendo ki mbasalayi to, bantu bu tetu bonso aba, ki banji kujadika bienzedi bionso bitu basalayi benzela nansha. Bikengela babangisha kubalongesha.
Nanku bobu bapetangana muabu umue ni basalayi betu ba ditunga, diyi ndimana kufidibua bua se, kababalengi to, bualu mbena Congo bu tetu bonso.
Nanku bua kujikija Mukalenga Félix waleji bua se, katuena tulekela ditunga dietu nansha, tudi munkatshi mua diluangana bua se, ba ntombohi ba M23, ni badi babatumina meyi mu Rwanda bumbuka mu ditunga dietu.
Mfumu wimanyinyi kundekelu kua bionso bualu budi butangila tshimenga tshia Goma, pa kuleja se, kabakuangata Goma kudi ba ntomboji nansha,...nanshi bobu bolowa batshisha.
