Tshididi: Ados Ndombasi umbuku mu tshisumbu tshia Martin Fayulu

Musungidibua wa mu Tshinsansa wambi ni diumbuka dienda edi mbualu Fayulu muangata dipangadika dia kubenga kufila mpala ya bena tshisumbu tshienda tshia tshididi tshia ECiDé ni Lamuka mu bitupa bionso bia  masungulangana adi ni tshia bua kuenzeka mu ngondu wa tshisua munene eu mu ditunga dietu emu.

" Bua ngangatshilu wenda wa mapangadika a didienzela malu, Martin Fayulu witabi bua kumbuka bua tshitantshi mu malu a masungulangana, nanshi mundi nemeka dipangadika dienda edi, kadi tshiena nsanka nadi nansha. Nanku ndi ni dibungama dinene dia kunuleja bua se kubangila ku lelu ngumbuku mu tshisumbu tshia tshididi tshia ECiDé ", ki mualeji Ados Ndombasi.

Wakumbaji kabidi bua se: " mu matuku 21 a ngondu eu wa kabalashipu mvua mufundila Fayulu mukanda munzulula bua se ajoja kabidi diandamuna dienda edi bualu kadivu disankisha bantu bonsu nansha. Ni kabidi tshienzedi tshianyi etshi ku ntuadijilu tshivu amu bua kuambila mutulombodi bua se bidi bikengeka kutangila ngelelu wa menji wa bena dieba bonsu kumpala kua kuangata dipangadika dionso, bualu Mbombu ni mbombu ya bena Congo mindila mandamuna ku nkonku kabukabu idibu bikala badiela.

Nanku mu muyuki ni ba kamona kamba emu, Ados Ndombasi waleji ni padiyi munkatshi mua bukalenga mu dina dia Lamuka, ki mudiyi mulua mvita ni mupeta mandamuna mapita bunyi bua malu a bunyi adi masankisha bena Congo ba bunyi, bu mudi dipanga bia kudia, nzala, dipanga mudimu, dipanga diya mu ma mpitadi, dipanga midimu anyi nzembua, dipanga dia mayi,...kayi upua moyi nkonku mipita ba makumi asatu miela balombodi ni meyi ni mikandu matua ku muanda muteketa mienza amu bua dilongolola dikalangana dimpa dia bana ba mu Congo wa Nkambua.