Lufu lua Chérubin Okende: Patrick Muyaya udi ubenga bikola luapolu lua ANR ludi Jeune Afrique muikala uleja
Kumpala kua ba kamona kamba malaba wa dimua dia matuku 4 a ngondu eu wa kabitenda, tshidimu tshia 2023, mena udi utangila malu a miyuki ni muakuidi mukulu wa bukalenga bua ditunga dietu, Muyaya Katembue Patrick waleji patoka bua se mulubu udibu baleja ni ngua ANR kudi tshibejibeji tshia Jeune Afrique kena umueka mulelela nansha. Mbimueneka bia dishima, bienza nunku kudi bena lukuna bua kujimija njila wa bushuwa wa badi bashibeya Chérubin Okende.
Muyaya bua kuimanyika miaku yende, muimanyina pa bimue bintu bu mudi mfundilu mubi wa bia ntuadijilu wa mukanda udi mufunda " sécurité intérieur" , mbapue moyi bua kukumbaja dileta dijikuke dia e, kundekelu kua intérieur. Nanku Muyaya waleji bua se VPM udi utangila malu a munda mua ditunga ni amona penda tshilema tshinena etshi, tshia mulubu udibu bamba ni ngua ANR.
" Tuvu bua kuikala ni musangelu bu bena RFI ni JeuneAfrique batubikila bua kutuambila ne: nenu ba mena ba mu Congo, nudi nuela menji bishi bua luapolu elu? Ndi ngakula tshiyi ni bowa bua batontolodi nansha, ki muambi mena Patrick Muyaya.
Muakudi mukulu wa bukalenga waleji bua se badi bafunda luapulu elu lua mafi, ni baluela mu bibejibeji badi bikala bantu batumibua bua kuenza ni muabu monso bua kunyanga bukebi kebi budi munkatshi mua dienjibua kudi bena ANR.
Mu dia matuku 30 a Ngondo wa tshimungu wa mashika wafumu ku dijika eu, tshibejibeji tshia jeuneAfrique tshivu tshifila ngumu ya mafi pa malu adi atangila lufu lua tshihuita munua mfuanka Chérubin Okende ni udi muikala mushibeya kudi muena mu nzubu wa mudimu wa mfumu wa ditunga ni bena mudimu wa Demiap.
