Goma: Lucha wambi ne bantu badi bafua mu bimvundu bia makelela pankatshi pa ba mpulushi ni ba wetu kabayi bingoma ba ku Goma, badi makumi atanu

Pa udi ubala dimanyisha dia kasumbu ka Lucha, didi dileja bua se, ebi ndishibeya dia bantu dilongolola kudi nguvena musalayi ni bena dienda. Balombodi ba province wa Nord-Kivu bavu ni mishindu ya bunyi ya kuenza bua se kufua kua bantu eku ka kuenzeki kabidi to. Bualu ba wetu bavu benza ngendu ya tshinji bua kubenga Monusco mbatuta, bashibeya kudi ba mpulushi kakuyi lusa nansha.

Bua bena Lucha, bantu mbafua 50 makelela. Bitalu bikuabu bia bantu badi bafua, mbabisokoka mu lupitadi lua basalayi mu Camp Katindo. Dishibeya dia bantu mbadienza kudi nguvena musalayi, ni mulombodi wa tshimenga tshia Goma musalayi, bionso ebi mbifunda kudi bena Lucha mu biahu bia tweeter.

Bua bena kasumbu aka, bikengela bukebi kebi "busunguluke  ne budikadile pa lukasa" bua kumona mua kuela patoka malu onso mabi menza kudi balombodi ba tshimenga tshia Goma, bua butoka bumueka pa bidi bienzeka mu bulelela, bibi bienza bidi  bilua kufuisha bantu bapita bunyi,  meku a bunyi mabuela mu madilu adi kayi ni mutu, kayi nshingu ku Nord-Kivu.

Mu dimanyisha dia  Nguvena musalayi, uvu muleja se, ku Nord-Kivu nkufua bantu amu muanda muteketa ni bakuabu bantu batua ku lukama mbatapika mu bimvundu bivu bienzeka pankatshi pa ba mpulushi ni ba wetu bavu benda ngendu ya tshinji bua kubenga bena Monusco ku Goma.