RDC : Bukalenga buetu buafidi mbombu 10 ya ndola ya bena amerika bua kupingaja midimu ya Congo Airways
Ndola Mbombu 10 ya mfualanga ya muana muena amerika ki makuta mafila pa lukasa kudi bukalenga buetu kudi ditanda dia Congo Airways. Lumu elu ndujadika kudi bantu ba bunyi tooo ki kudi mena muakudi mukulu wa bukalenga buetu Patrick Muyaya.
Bua Marc Ekila, mena udi utangila mianda ya ngendu mu njila, makuta mafila aa adi mu ditangila ngenzelu mupiamupua bua malu adi atangila ngendu ya mulu ni ditanda dia Congo Airways.
"Makuta aa ni ambuluisha bua ngondo ibidi ya dilongolola ndeka ibidi ni biamu bikuabu bia dienzela mudimu bidi bikala bikengedibua. Bionso ebi amu bua kupingaja pa lukasa midimu ya ditanda dia Congo Airways ", ki muambi mena Marc Ekila nanku.
Tumanya se ditanda dia Congo Airways divu dileja musangu mushala dimanyikija dia midimu yadi katshia ku dimue dia matuku 11 ngondo eu wa kabitenda tshidimu tshitudi natshi etshi bualu ndeka yonso idi imueka ni lutatu lukola.
Difua dia ditanda edi, ndienza ni bua kupeta ndeka ni kuendakana mulu mbilua dikenga dikola ditamba bua bena Congo wetu wa ba nkambua. Diandamuna dia bukelenga buetu divu dindila bikola kudi ba wetu ba bunyi.
