Felix Tshisekedi ku tudiomba tua France 24 waleji ni: « Kakuena dilongesha nansha dimue didi Katumbi bua kumpesha nansha »
Muela nkonko ku tudiomba tua France 24 ni tua RFI, mu dinayi dia matuku 16 ngondo wa 11 tshidimu tshia 2023, mfumu wa ditunga dia Congo wa mungalata wateki pobamue dilombola dienda ni dia Katumbi pavuyi muikala ulombola province wa Katanga wa madi mu bujima buenda, tshikondu tshishala etshi.
Bua Tshilombo wa Tshisekedi, pavu Katumbi muikala ulombola kavu mushiya tshintu tshia nsongu nansha. Kadi badi balua panyima penda ku bulombodi buenda yeya mfumu Tshilombo wa Tshisekedi, mbasa tshipalu tshia ndeka ku Kolwezi ni njila milongolola ya bunyi bua se badi basue kula ni kuasa matanda manena balua mu buimpa.
« Uvu mulombola province wa Katanga, patshivuyi kayi muanji kukosolola mukadiyi mpindieu nansha. Munda mua bidimu 9 ki muasa tshintu tshipiatshipia nansha tshimue to. Kadi lelu udi ujinga kulombola ditunga, tshienzayi tshipiatshipia ntshinganyi? », Ki muambi Tshilombo wa Tshisekedi nanku.
Nanku mfumu wa ditunga dietu wajikiji miyuki yenda pa kuleja ba kamona kamba ba bisanji ebi bua se, Katumbi kena wenza bowa nansha bualu bantu bonso bakadi bamanya tshidiye. Kakuena wa musungula nansha.
