Tshopo: bantu 4 mbafua mu njila wa kawulu
Bantu 4 mbafue, ku diumbuka dia kawulu ka ditanda dia SNCC mu njanja kuaku ku Kisangani mu disatu dia matuku 10 ku PK36, mu njila udi umbuka ku Kisangani-Ubundu, mu province wa Tshopo.
Bilondeshila mulombodi wa territoire wa Ubundu ki Verdoth Yamulamba, kawulu aka nkumbuka mu njanja bilondeshila bubi bua njanja ikadi ya kala bikola, nya katshia ku diba dia bena beleji.
Bantu 4 mbafue, ba tatu 3, ni mamu umue. "Bidi bikengela mbulamatadi wa ditunga dietu imanyina bualu ebu bikola, njila wa mazuwa a mpata munyanguka bikola; nangananga mu tshitupa tshiende tshidi pankatshi pa kumbuka ku Kisangani batangila ku Ubundu", ki mualeji Verdoth Yamulamba , mulombodi wa territoire wa Ubundu nanku.
Njila wa Kinsangani-Ubundu udi muikala mubi mutamba, kakadi ngondo mipita bunyi. Kumbaja kabidi ku bina bionso ebi bivi ni banyengi anyi ba "kuluna" badi bikala muina mu njila emu bakengesha bantu mu malu adi mikala kuina ku luseka eku a buena ni bukua, kakuyi kupua moyi bua se mazuwa a mayi kaena ni mushindu wa kuenda nansha; bualu njika mmubi bikola bitamba, ki mua kumbaji mulombodi eu nanku.
Tumanya ni njila wa njanja ki udi mushala ki mushindu umue udi mushala bua ba wetu kuikala kuditambakena padibu bumbuka ku Kisangani bua kuya ku Ubundu.