Tshinsansa: Mulumba Gecoco ni Ngobila babidiangana, Kadi Mulumba UDPS udi muikala ku tshienda
Nguvena tshindonda wa tshimenga tshia Tshinsansa, muena muabu Gecoco Mulumba, nyau mutuibua nyama ku mikolo kudi tshisumbu tshienda tshia tshididi UDPS, bualu udi muikala umue wa kudibu. Bu mudibu bikala kabayi bumvuangana bimpa ni Ngobila nansha, udi muikala mfumu wenda ni yeya tshindonda.
Mu meba a munsendamu a mu dimue dia 31 ngondu wa kashipu mpumpumpu, mufundi mukulu wa tshisumbu tshia UDPS, Augustin Kabuya waleji kumpala kua bena dienda bua se bobo badi amu panyima pa Gecoco Mulumba, UDPS kena umulekela nansha.
"Bu mulombodi wa kumpala wa UDPS , ndi nkuleja bua se udi ni tshisumbu tshietu tshionso panjima peba, katua kukulekela bakuluisha nansha. Kabidi bua kuleja patoka bionso ebi, udi muikala umue wa ku aba bafila mpala mu dina dia UDPS, mu commune wa Limete". Ki mualeji Augustin Kabuya.
Amu mu dina dituku edi, Augustin Kabuya wakanyinyi bonso badi bikala bakeba Gecoco bilumbu bua se balekela.
Kabuya wakumbaji kabidi uleja bena dienda bua se : "tusombayi talala, tetu bena UDPS, katutu tukebangana bilumbu nansha, kadi eu yonso watuyobola, tuyaya nenda tooo ni kudiyi musua ni tufika aku". Ki mualeji Kabuya.
Mbimueka bua se Ngombila udi mu luendu, bualu yeya nyawu ukeba bena muakulu undi ngakula eu bilumbu, uvu mubanga ni Mpoyi Godé, lelu eu nya ukadi ni Mulumba Gecoco.
