RDC : Ina banza Marie-Josée Ifoku udi tshia kabidi umue wa ku aba bafila mpala yabu bua kusungudibua bu mfumu wa ditunga
Mu masangula a mu 2018, uvu muhangila kayi musungudibua nansha. Yeya ki inabanza Marie-Josée Ifoku, nyawu uleja ne neikala kabidi mu njila wa aba ba fila mpala yabu bua masungula aa a 2023, bua kuikala mfumu wa ditunga.
Muleja dijinga dienda edi mu dinayi dishala edi dia matuku 17, ngondo eu wa kashipu mpumpumpu, kumpala kua ba kamona kamba.
Nanku mu bulongolodi buenda bua bana ba muena Congo, mulombodi wa tshisumbu tshia tshididi tshia Alliance des Élites pour un Nouveau Congo, udi musua kutuala dishintulula mu malu a bunyi mu bidi bitangila ngenzelu wa malu wa muetu munu.
Marie-Josée Ifoku waleji ni padibu amu bamusungula bu mfumu wa ditunga, udi ni bua kulondeshilula malu menza katshia ku tshidimu tshia 1960 tooo ni lelu. Ni kabidi ne ateka mu tshienzelu tusumbu tubidi tua kuikala kulondeshilula malu a mungalata wetu mudiwu wenda ni kabidi malu a bukalenga bua ditunga mu tshitupa tshiatshi tshinayi, pamue ni ba Wetu bonso kumpala kua kupita ku tshitupa tshikuabu.
Bua buenda yeya, bikengela ba wetu bikala basangila mu tusumbu mu tusumbu bua kuikala kuyikila malu adi atangila ngelelu wa menji wa bu wetu, muenenu wa malu ni mushindu mupiamupia wa kuangata mapangadika pa bidi bitangila bukalenga ni tshididi tshidi tshikala mu nkuasa.
Udi uleja kabidi ne ni adituala biabunyi mu malu adi atangila ndongeshelu ni tulasa tua bana, malu adi atangila kabidi ngendelu wa mungalata wetu, manema a bantu ni makalenga a tshisabu.
Tukuate se, bua badi balombola Ceni masungula ne enzeka muetu munu mu ngondo wa tshisua munene tshidimu etshi, mu matuku 23, nansha mudi tshitupa tshikesa tshia batontolodi kampanda tshikala tshibenga bua kuya ku mina masungula aa.
