RDC : Mfumu wa ditunga dietu, bukalenga buetu, Vital Kamerhe, Joseph Kabila, Corneille Nangaa ne banena bakuabu ba muetu munu mbabikidibua mu Afrique du Sud bua Kuenza miyuki
Kasumbu ka Thabo Mbeki, Dina dia eu muikala mfumu wa ditunga dia Afrique du Sud wa kala, kadi kenza Ku matuku 3 too ne matuku 6 a Ngondo wa tshitema walua eu mu Tshimenga tshia Johannesburg, tshisangilu tshinena bua bupole mu ditunga tshia matunga a muena Afrique nangananga mu ditunga dietu dia Congo wa ba nkambua mudi muikala ndululu ya bunyi Ku luseka kudi diba dipatukila dia ditunga. Bua tshibeji beji tshia Jeune Afrique, tshienzedi etshi tshidi tshikeba bua kusangisha bitupa bionso bidi bikala mu ndululu kabiyi biumvuangana bua kuakulabu mu buena diku, kusomba pamue kuyikila bua mvita ijika.
Tshimamuenda wa bukalenga, mfumu wa ditunga, bukalenga, batontolodi, balombodi ba bitendelelu ne bena société civile pamue bisumbu bionso bidi biambula bingoma badi bikala babikidibue.
Bua batontolodi, Joseph Kabila, Moïse Katumbi, Martin Fayulu, Seth Kikuni ne Antipas Mbusa Nyamuisi Badi pabu babikidibue mu tshina tshisangilu tshinena etshi. Bua Nzubu wa mudimu wa mfumu wa ditunga dietu nekuikala Vital Kamerhe, mulumbodi wa Nzubu wa tshihuita munua mfuanka ne Désiré Cashimir Eberande Kolongele, mufidi wa ngenyi mukulu kudi mfumu wa ditunga Félix Tshisekedi Tshilombo.
Bua balombodi ba bitendelelu bavu bikala badila katshia Ku kala bua miyuki eyi kudi kuikala Muepiskopo Donatien Nshole (CENCO) ne Éric Nsenga (ECC) . Mpala ya bunyi bua bena société civile nekuikala muena Lucha Bienvenue Matumo, Jean Jacques Lumumba,..mbapeta bonso buabo dibikila.
Mbabikila kabidi bena bisumbu bia aba badi bambula bingoma bu mudi bena Alliance Fleuve Congo, ne M23, Thomas Lubanga ne bakuabu.
Bua bena Jeune Afrique, tshienzedi etshi ntshiledibua Ku dilomba dia ba bitenda badi bikala balomba bua bupole bulelela bubuela Ku luseka ludi diba dipatukila dia ditunga dietu.
