Makebianganyi a Lubaya Claudel : Kutuadija ku dikala dia disangana dia masolayi a biluilu bietu bia  FARDC ni ba UPDF, dibuela dietu dia mu EAC,... Lubaya udi ubedia bukalenga bua mfumu Félix Tshisekedi

Bua mulombodi wa tshisumbu tshia tshididi tshidi dina ne  UDA originelle, Lubaya Claudel udi wamba bua se mapangadika a mfumu sa ditunga adi ku mpukampuka, ni atutakanangana nkayawu enda abueja ditunga dietu mu tshina.

Lubaya utungunuka waleji kabidi bua se: « mfumu wa ditunga dietu ni wa Rwanda pamue ne wa Ouganda badi ni malu mumvuangana mu musokoku adibu kabayi basue kuleja patoka nansha. Muangata muteka état de siège, basalayi balombola mu province wa  Ituri ni Nord-Kivu, kusangila kua masolayi etu ni a UPDF, dibuela dia ditunga dietu mu EAC, kakuena butoka ni makasa nansha amue to bua ditunga dietu. Milayi mipetangana mu diumvuangana dia ku Luanda 1, 2, 3, miyuki ya ku Nairobi ni ya ku Bujumbura 1, 2, 3. Kupitshila ni dipingana dia mu SADEC, diumbuka dia masoloyi aa, bidi bileja dipanga kulombola dia mfumu Félix Tshilombo. Bibi bionso ebi ki bidi mfumu wa ditunga ni bena dienda baditumbisha nabi ni malu a dipetangana ni matunga makuabu anyi diplomatie didi dienda bimpa menamena muetu munenu, pabu bikala bia mashimi » bilondeshila muenenu wa malu wa malu wa Lubaya.

Lubaya se musungula nunku tshihuita munua mfuanka mu Kasaï, ni kabidi uvua mutua mfumu wa ditunga udi mu bukalenga lelu Felix Tshilombo bua ikala mfumu wa ditunga mu 2018, nansha muvuayi muena Lamuka. Bua Claudel, bikengela Tatu Félix apingana panyima, ashintulula ngenzelu wenda wa mudimu pamue ni bukalenga buenda bonso, bualu bidi bitekesha ditunga dietu bikola, kumpala kua matunga makuabu.

Bua Claudel Lubaya, Mfumu wa ditunga Félix kena ni tshidiyi muenza tshia tshimpa nansha tshimue to. Ni kabidi, mfumu wa ditunga ni ngenzelu yenda mibi eyi bilondeshila Lubaya ambula nkurusa wenda nkayenda pa makaya alekela kushiminyina bantu bakuabu, bionso mbileja kudi Claudel Lubaya.

Biandamuna kudi muana wa Kalenga ni Kapinga, Valentin Kabandanyi.