RDC : Bukalenga bua mu Congo, budi bulaya kufunda ku bilumbu aba bavu basa Delly Sessanga mabua

Bu mudiyi yeya muikala mukana ni diyi dia bukakenga buetu, mena Muyaya Katembue Patrick waleji patoka miyuki yabo mienza mu musokoku ni muena dienda Peter Kazadi udi utangila munda mua ditunga, waleji ni badi balondesha ku umue ku umue bonso badi bikala panyima pa ngenzelu mibi eyi bua se babafila mu bianza bia ba nzuji babalumbuluisha.

Muyaya wambi kabidi ne: " Bua tetu bukalenga bua ditunga, tudi tubidia bikola ngenzelu mibia mibiala ya mushindu udiyi mienzeka ku Kananga eyi. Nanku , Tatu Kazadi, nansha mudiyi muikala ku Isiro,  tuayikidi nenda ku nshinga ni wangambidi ne, ni bena dienda bonso, badi benza ni muabu monso bua se bakuata ba nguluba wa tshinyangu aba", ki muambiyi.

Bua kujikija, Muyaya Katembwe, waleja bana bonso ba muena Congo bua se mu tshikondo etshi tshia masungula, bimvundu, lutshutshu, ni ndululu kabiena ni muaba nansha mu ditunga dietu.

Tumanya bua se mu disambombo dishala edi, Delly Sessanga ni bena dienda mbasa mabua mu dituluka diabu dia ku ndeka, mu tshimenga tshia Kananga.