RDC : Félix Tshisekedi walombu kudi FARDC bua kuikala "amu balamata" ku dienza dimpa dia wabu mudimu
Mfumu wa ditunga dietu dia Congo wa ba nkambua Félix -Antoine Tshisekedi Tshilombo uvu musangisha mu nzubu wenda wa mudimu anyi Chapiteau, banena bonso ba majinda a ditunga dietu anyi basolayi, lelu eu wa disatu dia matuku 18 ngondo eu wa kasua mansensa.
Kumpala kua mesa kua budia ni bunu, Tshilombo wa Tshisekedi walombi kudi benyi benda aba bua kushala balamata ku dienza diakana dia mudimu wabu wa kulama bantu ni bintu biabu, kayi upua moyi bisumbu bionso bidi bilombola ditunga dietu.
" Katuena mua kuyila ditunga dietu mu tshifufu nansha, tudi bikala tuenza mubidi umue bua kukuba bantu ni bintu biabu", ki muambi mfumu wa ditunga.
Pa kumvua bidi ba kamona kamba ba mu nzubu wa mudimu wa mfumu wa ditunga bamba, Felix Tshilombo wabambidi bua se bukalenga buetu budi buenza ni muabu monso bua kupesha majinda etu bidibu nabi dijinga".
Dipetangana edi pankatshi pa mfumu wa ditunga ni banena ba basalayi ndienzeka panyima pa diakula dia Jhon Numbi divuayi muikala ukanyina mfumu wa ditunga ni ulomba basalayi bua kuangata bingoma, kuipata badi balombola ditunga dietu mu nkuasa. Bualu mbimueneka se bukalenga buetu ki mbuangata biakulakula bia Jhon Numbi ebi ni mushinga nansha.