Jacquemin Shabani : « Rwanda, udi tshimue tshintu tshidi tshiena ne tubanga bupole mu ditunga dietu edi »
Mu miyuki muenza ne ba kamona Kamba wa Nseya mu dituku dia 21 Ngondo eu wa kashipu mpumpumpu pamue ne Mena Muyaya Katembu, Shabani Jeaquemin udi muikala mutangidi wa mianda ya munda mua ditunga dietu waleji patoka mudi Mikanda mitua biala pankatshi pa bukalenga bua ditunga dietu ni ba ntomboji ba AFC/M23 mu Ditunga dia Qatar, Mu tshimenga tshikulu Doha.
Mutua muakulu bianza bua kuandamuna Ku lukonku lua kamona Kamba pa bidi bienza bua se bupole kabuikadiku mu ditunga dietu, Vpm Shabani waleji patoka se, Rwanda udi muikala tshimue tshintu tshidi tshienza se, bupole kabuikadiku mu ditunga dietu nansha. Nanku, kumanya tshintu etshi ne kutshiela patoka kudi bonso, tshidi tshikala disanka dia bunyi bua malu ikala bua kulonda Ku nyima eku.
« Mpindieu bidi bikengela, kuenza ne muetu monso bua kubijikija. Rwanda mumana kutua biala pa mukanda wa dibueja bupole mu ditunga dietu, dipangadika ditudi bonso banyishe. Ki bienza bua se bupole balelela bubuela bushuwa, patuikala tetu bonso benzela mumanya etu onso Ku tshienzedi etshi ».
Amu pa muina muanda eu, Mena Muyaya uvua mukuatshisha Vpm Shabani ku meyi e kuleja se, bionso ebi mbibanga katshia pa beleji to lelu.
Nanku, ditua biala bua kulomba bupole pankatshi pa bukalenga buetu ni ditunga dia Rwanda, kusangisha Ku mukanda muibidi udi ufuma Ku dituibua biala pankatshi pa bukalenga buetu ni ba ntomboji ba AFC/ M23 Ku Doha, ki bienza bua kubueja bupole tshiendelela munda mua ditunga dietu, ne kujikija mvita idi mishipa bantu mbombu ni mbombu munda mua bidimu bitua Ku makumi asatu, nangananga Ku luseka ludi diba dipatukila dia ditunga dietu.
