Jean Luc Mélenchon kua Mfumu Tshilombo wa Tshisekedi wambi ne: « Ndi muindila bua se France apisha Rwanda bua yeya kumona nkayenda bibi bidiye wenza »
Mutontolodi wa mu ditunga dia France ki Jean Luc Mélenchon, muakidila kudi mfumu Tshilombo wa Tshisekedi mu dinayi dia matuku 26 ngondo wa dikumi tshidimu tshia 2023. Waleji miyuki yabu ni mfumu wa ditunga, ivu mikala inyunguluka pa malu a masungula ni a mvita mituela kudi ditunga dia Rwanda, ku luseka ludi diba dipatukila dia ditunga.
Kumpala kua ba kamona kamba, Mélenchon waleji ni muindila bua se Mvita eyi ijika mu malaba etu a mu Congo wa ba nkambua. Pinapu muindila kabidi bua se ditunga dienda dia France dibingisha dietu ditunga, dipisha Rwanda e nanku yeya Rwanda adimuena patoka bibi bidiye muikala wenza mu ditunga dietu.
Kavu nkayenda nansha, Jean Luc uvu muikala ni musumba munene wa ba tshihuita munua mfuanka wa bena tshisumbu tshienda tshia tshididi. Nanku, waleji kanyinganyinga kenda ka bunyi bua kumona mashi adi mikala apueka ku diba ni ku diba mu ditunga dietu, tshienzedi tshia ba ntomboji bambuluisha kudi ditunga dia Rwanda, pabi pikala ni ditunga dietu didi dikala munka mua dilongolola masungula.
Valentin Kabandanyi
Valentin Kabandanyi Kalenga est licencié en journalisme politique extérieure de L'ifasic depuis 2010. Marié et père de 5 enfants,
Directeur des infos à arts.cd, présentateur du JT en Tshiluba à RTEDUC,
Analyste et Chroniqueur politique,
Actuellement Coordonnateur National de la Génération Christophe Lutundula "GCL"et Candidat à la députation provinciale à Mwene Ditu, dans la Province de Lomami.
