Christophe Lutundula wambi ne: « Bobo batuta nansha dizaji dimue mu Goma, nebapeta diandamuna dia bakemesha bikola mu meba alonda »
Kumpala kua bena Congo ne kua bisamba bionso bisanga, vpm Christophe Lutundula udi muikala mena mutangidi wa malu a pambelu pa ditunga, waleji tshiji tshidi natshi bukalenga buetu pa bidi bitangila mvita idi mikala ipitakana ku luseka ludi diba dipatukila dia ditunga.
Bua Lutundula Christophe, biluilu bietu ni biandamuna mu kasunsa kamue bobo bateta amu bua kulenga Goma kudi ba ntomboji ba M23, bualu kabena banemeka mikanda mitua biala kudi ba mfumu babu nansha.
« Ndi nuambila ni, biobio bienzeka nansha ku mpukampuka, nansha ku ditupakana ni batuta dizaji nansha dimue ku Goma, ndi nujadikila ne, ni bakema bikola bobo nkayabu diandamuna dikalabu bua kupeta mu tusunsa tualonda », ki muambi Lutundula.
Mutangidi wa malu a pambelu pa ditunga walombi kabidi kudi bukua bisamba bionso bisanga nteta bua se batangila bimpa tshilumbu etshi tshia Rwanda, udi muikala ku diba ni ku diba utuma basalayi benda mu ditunga dietu bua kulua kutuluisha kakuyi bualu.
Valentin Kabandanyi
Valentin Kabandanyi Kalenga est licencié en journalisme politique extérieure de L'ifasic depuis 2010. Marié et père de 5 enfants,
Directeur des infos à arts.cd, présentateur du JT en Tshiluba à RTEDUC,
Analyste et Chroniqueur politique,
Actuellement Coordonnateur National de la Génération Christophe Lutundula "GCL"et Candidat à la députation provinciale à Mwene Ditu, dans la Province de Lomami.
