Christophe LUTUNDULA waleji bua ba wazalendo se: " Kabena mua kukandika muena ntanda nansha umue bua kuambula bingoma ni kuluangana bua budikadidi bua ditunga dienda nansha"
Kumpala kua ba kamona kamba mu matuku 24 a ngondo wa dikumi tshidimu etshi, vpm Christophe Lutundula udi muikala mena mutangidi wa malu a pambelu pa ditunga, watumbishi bikola ba bitenda ba Wazalendo bua mudibu bikala bipata ba ntomboji ba M23 mu miaba ivuabu bikala banyenga ditunga dietu ku diambuluisha dia ditunga dia Rwanda.
Bua Christophe Lutundula : "Katuena mua kukandika muana wa muena Congo bua kuambula bingoma bua kupikula ditunga dienda mu bianza bia ba ntomboji nansha". Bualu kumpala kua ba nguluba wa tshinyangu, bidi bikengela kuikala ba Wetu buujibua ni dinanga dia bujima bua ditunga diabu bua kufila mioyo yabu bua kusungila ditunga.
Bua Muyaya Katembue Patrick, mena udi muikala utangila malu a tudiomba ni muakuidi wa bukalenga buetu waleji kudi ba kamona kamba bindindimbi bidi bileja patoka mudi basalayi ba ditunga dia Rwanda bikala bumbuka mu ditunga diabu, balua ni biluilu binena bionso bia mvita bua kuluangisha bena ditunga dietu ku luseka lua ba ntomboji ba M23.
Muyaya waleji kabidi ni bukenga buetu budi munkatshi mua dinemeka "kulekela mvita ", bu mudibi bilombibua mu mikanda mitua biala ku Nairobi ni ku Luanda. Nanku wangatshi bena ntanda bonso ba mu ditunga dietu ni ba matunga a ba benda bua bikala bu ba ntemu bua kumona bibi bionso bidi ditunga dia Rwanda dikala dienza ku luseka lua ba ntomboji ba M23.
