Tshinsansa: Bua kulongolola ni kuteka tshipalu tshia ndeka tshia N'djili momumue ne bipalu bia matunga makuabu, bidi bikala makuta Mbombu 1,2 ya bena amerika
Bua kulongolola ni kuteka tshipalu tshia ndeka tshia N'Djili momumue bi bipalu binene bia mu matunga makuabu, bidi bikengela makuta mbombo ne mbombu ya muana muena amerika mitua ku 1,2. Ebi ki bidi bipatuka mu miyuki mienza pankatshi pa bena kasumbu ka RVA ne ditanda dia diasa bibambalu dia bena ditunga dia Turquie Milvest mu ditanu dia matuku 10 , Ngondo eu wa 11.
Mu dimanyisha diabu dia ndekelu dia miyuki eyi, mbateka kasumbu kampanda kadi kikala kalonga tshienzedi etshi, tshikala mua kulongibua ku dileta ku dileta kudi balombodi ba bisumbu ebi bibidi
Nanku, balombodi ba RVA, ku mutu kuabu Kin-Kiey Mulumba nebikala bua kulondeshilula mapangadika aa mu tshisangilu tshinena tshienzabu mu matuku 17 a Ngondo eu bua kutangila malu a kulongolola tshipalu tshia ndeka tshia N'Djili, kutshishiya mushindu udi bipalu bia mu matunga makuabu mikalangana.
Nanku, bunyi bua makuta budi midimu eyi mikala yangata ki budi bukemesha bantu bonso, bualu makuta a pitshi bunyi. Mbimueka patoka se, mbulamatadi ne atula mfualanga mipite bunyi amu bua tshipalu tshia ndeka tshia N'Djili nkayatshi, pabi bikala ne malu a kuenza makuabu mu ditunga mapita bunyi.
