RDC : Tshisumbu tshia Human Rights watch nyawu tshilomba kudi ba tshihuita munua mfuanka bua kubenga diyi ni mukandu dia Tshianyi
Kasumbu kadi katangila manema a bu muntu, Human Rights watch nyawu mu mukanda waku wa kufuatula ngumu, kalomba kudi ba tshihuita munua mfuanka ba mu ditunga dietu bua babenga etshi tshidi bena Congo babikila ni loi Tshianyi Muadiamvita, bualu buaku koku mukandu ewu udi ni kansungansunga munda muawu.
Pa kumvua Carine Kaneza Nantulya, mulombondi tshindonda wa kasumbu aka ka bena amerika, balombodi ba mu Congo wetu nebikala bua kuangata amu mukandu ewu bobu pawitaba kudi parlement bua kubangisha kupanvisha bena Congo bakuabu bua kuikalabu benzela ditunga Diabu mudimu.
« Ni kabidi, kabiena amu ni kansungansunga kanyaku to, bobo amu baditaba kudi parlement, nedikala bua kufila tshikondu tshipiatshipia tshia ndululu », Ke mualeji inabanzaa ewu.
Human rights watch udi wela menji ni mukandu eu wa Tatu Tshianyi udi muikala muenza amu bua kumbusha bana betu bakuabu bua kabafidi mpala bua kuikala ba mfumu ba ditunga nansha bu mudi Moïse Katumbi udi mulela kudi tatuenda Beleji.
Mukandu wa Muadiamvita Tshianyi eu udibu babikila 22mu mfualansa ni : de père et de mère, tuamba mu tshia kuetu ni muena congo wa tatu ni wa mamu, musua kumbuja bantu babunyi bua kulua ba mfumu wa ditunga anyi bua kuenzabu midimu kampanda ya mu ditunga diabu, hadiyi muikala nansha mulela kudi muledi umue muena ditunga dikuabu.
Mukandu eu muenza kudi eu uvu henda muikala mufila mpala mu 2018 bua kuikala mfumu wa ditunga ki miena ntanda Noé Tshianyi, ni muya kafila muamua mu nzubu wa mudimu wa ba tshihuita munua mfuanka kudi muena muabu Nsingi Pululu. Nanku muina mukandu eu mufunda mu dibidi emu ku kabala matuku ka bilo bia parlement bua se bawutata mu matuku adi alonda aa.
