Dishibeyangana mu tshimenga tshia Tshinsansa: Ba mpulushi balombi kudi muntu yonso udi mumanya mpala ya bantu badi pa bindindimbi bua kulua kufunda bua babakudika bibawu kudi tubadi
Balombodi ba ba mpulushi ba mu tshimenga tshia Tshinsansa baleji mpala ni mena a ba nguluba wa tshinyangu badi bikala bakuata bantu baya nabu, babatuta ni babanyenga bionso bidibu nabi.
Sylvano Kasongo mulombodi wa ba mpulushi ba mu tshimenga tshia tshinsansa, waleji bua se muntu yonso udi mumanya ni ba nkomviongu aba bakatu bamukengesha, anyi bakengesha bamue badiye mumanya alua bua kufila bu ntemu buenda kuaka ku bilo biabu bidi babuipi ni tshilongelu tshia ISC Gombe bua se babapesha bibawu bidi bibakumbana.
Tushala kumanya bua se munemu mu Tshinsansa kukuata bantu kudi ba kanka nkupita bunyi, bobu aba badi bakuata bantu nangananga mu mashinyi a katuba adibu babikila ni ketshi, ku ntuku ntuku, amu nanku baya nabu, babikila bena meku a bantu aba, babalomba makuta bua kushishabu kubalekelabu, padi meku kaayi mafila mfualanga eyi idibu balomba, Tshianana babashibeya.