Tshinsansa: Tubadi tua Cour des comptes tualombu kudi tshihangu tshia ba tshihuita munua bua kupesha Ngobila manyoka bua bu tshiluwa buenda anyi dipanga menji a dilombola tshimenga
Matuku enda apita Ngobila bu nguvena wa tshimenga tshia Tshinsansa kena kabidi ni tulu kuisu nansha. Mbuena kuamba ne tubadi tua Cour des comptes ntufunda mukanda mu dia matuku 21, ngondo eu wa kashipu mpumpumpu, tutumina tshisumbu tshia ba tshihuita munua mfuanka tshia munu mu Tshinsansa tubalomba bua kupesha Ngobila Gentiny manyoka makola matamba bualu yeya kena ni menji nansha amue a kulombola tshimenga tshia Tshinsansa nansha.
Cour des Comptes muimanyina malu mabi menza mapita bunyi kudi Ngobila, mu mudi kubenga kufila luapolu lua mudi makuta a tshimenga tshia Tshinsansa matudibua mu tshidimu tshia 2022 bua tshimenga etshi Tshijima.
" Nanku, mbilombobue kudi tshisumbu tshia ba tshihuita munua mfuanka tshia Tshinsansa bua kuenzela kanungu ka 32 ka diyi dia 18/024 dienza mu matuku 13 dia Ngondo wa kasua banga tshidimu tshia 2018, dienza bua kulongolola ni kulombola tubadi tua Cour des comptes ni kanungu ka 213, katupa kaku 2, kadi katangila malu a difueta dia mbulamatadi; mbafunda mu mukanda wetu wa meyi a tshibungu wa ditunga manyoka adibu bua kupesha balombodi ba ma Province padibu bikala benza lujoku anyi kabayi benza mudimu wabu bu mudibi bikengedibua nansha", ki mudibi bifunda mu mukanda eu nanku.
Mu dibenga difila luapolu elu, tubadi tua Cour des comptes tudi tumona ditshimbakana anyi dipanga ngenzelu wa mudimu kudi mukalenga Ngobila Gentiny.
Panyima pa Kumbusha ni kupingaja Godé Mpoyi mu nkuasa wenda wa bu mulombodi wa tshisumbu tshia ba tshihuita munua mfuanka tshia Tshinsansa, lelu Ngobila muena tubidi tua ndumbi mukuatshibua ku kamua ka tubadi tua cour des comptes.
Kakonku ka kuela nka se Ngobila ne ajama anyi ukadi munkatshi mua dishiya nkuasa wenda bu mulombodi wa Tshinsansa??? Kakonku aka amu ba tshihuita munua mfuanka ba Tshinsansa ki bandamuna.
