Diumbusha dia bisumbu bia ndundu bua CAN 2023: Jonathan Bolingi wapinganyi bua kulua mvita ni Nkashama yetu bua kufuila dikopu ndundu ni atuibua mu Gabon
Musungudi wa batu betu ba ndundu ba tshisumbu tshinene tshia nkashama yetu ya mu Congo ki muena muabu Sébastien Desabre, wapatudi patoka dibeji dia aba bikila bua kutua ndundu mu Gabon bua kufuila dikopu dia ndundu wa makasa, wa bantu bakola bua matunga a muana wa mukua mufika, CAN 2023.
Bua musangu wa kumpala Desabre wabikidi Dylan Batubinsika ni Rocky Bushiri, kabidi ni Jonathan Bolingi bua musangu wa kumpala, mu lungenyi lua se angata muaba wa Cédric Bakambu, udi muikala ni tubeji anyi carton jaunes ibidi.
Mena a batua ndundu adibu bela patoka kudi mubalombodi Desabre ngowu aa:
Badi bimanyina ni ndundu kabuedi anyi défenseurs : Chancel Mbemba, Inonga Baka, Dilan, Rocky Bushiri, Mukoko Amale, Jordan Ikoko, Arthur Masuaku, Vital N'simba, Bope ni Arsène Zola.
Bimanyi ba mukatshi anyi ba médiateurs : Aaron Tshibola, M'fulu, Lusamba, Elia Mechack, William Baluikusha, Theo Bongonda, Gaël Kakuta ni Glody Lilepo.
Bakebi bua kobesha anyi ba Attaquants : Aldo Kalulu, Fiston Mayele, Jonathan Bolingi, Chadrac Akolo ni Yoan Wissa.
Bua musangu ewu, musungudi Sébastien Desabre wambidi ba kamona kamba bua se banayi bu mudi Fasika, Laura, Malango, Kayembe, Dianganda ni Kebano mbatahika, badi ni mputa nanku kabena ni mushindu wa kutua ndundu nansha.
Bakuabu bu mudi, Gédéon Kalulu, Ruddock Mpanzu ni Silas Katompa mbabenga bua kulua bua bidibu bamanya bobu nkayabu.
Nkashama yetu ya ditunga dia Congo wa mungalata ne itua ndundu ni Panthères ya mu Gabon mu dia 18 a ngondu muisambombo bua dituku ditanu dia diumbushangana bua dikopu dia muana wa muena Afrique Côte d'Ivoire 2023 mu Franceville, hashishe ni batua ndundu ni bena mu ditunga dia Soudan.
Kudi Muana wa tatu kalenga ni mamu kapinga wa nyindu Valentin Kabandanyi Kalenga
