Vyombo vya habari: Stanis Bujakera alizuiliwa kwa sababu nyingine isipokuwa zile zinazohusishwa na taaluma yake (ASADHO, ODEP na Justicia ASBL)

Wakikabiliana na waandishi wa habari Jumatatu hii, Oktoba tare mbili, mashirika hayo matatu ya kiraia yanaegemeza matamshi yao juu ya kutofuata sheria kuhusu uhuru wa vyombo vya habari katika Jamhuri ya Kidemokrasia ya Kongo, hasa katika kifungu cha miya na nne 

"Mamlaka ya Kongo ilikiuka kifungu cha miya nne cha sheria ya uhuru wa vyombo vya habari ambayo inatoa haki ya majibu na marekebisho. Kwa nini mamlaka zilienda moja kwa moja mahakamani badala ya kutumia kifungu hiki kinachoandaa haki ya majibu katika masuala ya kutolewa kwa vyombo vya habari? », Uliza haya mashirika ya kiraia.

ASADHO, OSEP na Justicia ASBL pia wanatilia maanani ukiukaji wa kifungu cha makumi tisa na tano cha sheria ya uhuru wa vyombo vya habari, na kumlazimu kufichua chanzo chake kuhusu mauaji ya aliyekuwa Waziri wa Uchukuzi, Cherubin Okende.

Kwa mashirika haya katika jamii, ni juu ya meneja wa uchapishaji wa vyombo vya habari vya JeuneAfrique kujibu shutuma za kukashifu na kueneza uvumi wa uwongo unaohusishwa na mauaji ya Chérubin Okende, kwa sababu makala hiyo haikutiwa saini na mwandishi wake katika Jamhuri ya Kidemokrasia ya Kongo.

“Kwa nini basi kumfuata Stanis Bujakera kwa makala ambayo hakusaini? », wanajiuliza.

ODEP, ASADHO na Justicia ASBL wanadai kuachiliwa "bila masharti" kwa mwanahabari Bujakera na kumtaka Mkuu wa Nchi kuhakikisha kuwa kunafuatwa na sheria za nchi, zikiwemo zile zinazohusiana na uhuru wa vyombo vya habari.

Stanis Bujakera amekamatwa tangu Septemba nane katika uwanja wa ndege wa kimataifa wa N'djili alipokuwa akijiandaa kusafiri. Anashutumiwa kwa "kughushi, kughushi mihuri ya serikali", "kueneza uvumi wa uwongo", na "kusambaza jumbe potofu kinyume na sheria".