Uchaguzi wa urais wa 2023 : Félix Tshisekedi ataunga mkono kuachia madaraka iwapo atashindwa « halali »
Félix-Antoine Tshisekedi hatangangania mamlaka iwapo atashindwa kihalali katika uchaguzi wa urais wa Desemba makumi mbili 2023. Rais anayemaliza muda wake alitangaza hayo katika mahojiano na chombo cha habari cha Financial Times mjini Kinshasa.
« Ikiwa mtu mwingine atashinda na kweli nikashindwa kwa njia halali ... [basi] hiyo ni demokrasia na tunapaswa kukubali kushindwa,» alisema.
Kwa wapinzani, Félix Tshisekedi hakuwa mkarimu. Rais anayemaliza muda wake, akikumbuka kauli mbiu ya upinzani juu ya uaminifu wa mchakato wa uchaguzi, anaamini kwamba jumuiya ya kimataifa ilikuwa inasikiliza « kelele » za tabaka hili la kisiasa.
« Uchaguzi ni huru » alisema Félix Tshisekedi, akisisitiza kwamba uvumi wa rushwa katika uchaguzi wa Desemba makumi mbili, ulikuwa « kelele kutoka kwa upinzani ambayo jumuiya ya kimataifa inataka kusikia»
« Kila mara, upinzani hupiga kelele 'mwizi!', lakini... wote walikuja kushindana [katika uchaguzi]. Kama hakukuwa na nafasi ya wao kushinda, wasingekuja. Walikuja kwa sababu wanafikiri kuna nafasi, » Tshisekedi alisema.
Jamhuri ya Kidemokrasia ya Kongo, ambayo inatetemeka kwa kasi ya kampeni ya uchaguzi, itakuwa na uchaguzi mnamo Desemba makumi mbili, licha ya vikwazo kadhaa ikiwa ni pamoja na ukosefu wa usalama.
