Uchaguzi wa 2023: Moïse Katumbi yuko tayari kuipatia CENI ndege kwa ajili ya kupeleka vifaa vya kupigia kura
Rais wa Ensemble pour le Changement na mgombea wa uchaguzi wa rais mnamo Desemba makumi mbili, Moïse Katumbi, anasema yuko tayari kutoa msaada kwa CENI kwa ajili ya kupeleka vifaa vya kupigia kura kwa kutumia ndege zake.
Katika mawasiliano kupitia X (zamani Twitter), mgombea nambari tatu hata hivyo alisikitishwa na kuzuiwa kwa moja ya ndege zake nchini Afrika Kusini na mamlaka ya Jamhuri ya Kidemokrasia ya Kongo.
“Ni wakati huu ambapo niligundua barua kutoka kwa Rais wa CENI ambaye anadai kukosa usafiri wa kuandaa uchaguzi. Ju ya kuisaidia nchi yangu, ijapokuwa moja ya ndege zangu bado imezuiwa na mamlaka nchini Afrika Kusini, niko tayari kutoa mchango wangu wa kutunza ndege kwa ajili ya maandalizi ya uchaguzi wa Desemba makumi mbili." aliandika.
Katika barua iliyotumwa kwa Rais wa Jamhuri, CENI iliomba usafiri wa anga kwa ajili ya kupeleka vifaa vya kupigia kura katika eneo lote la taifa, zikiwa zimesalia wiki mbili tu kabla ya mwisho wa kampeni za uchaguzi.
