Moise Katumbi na Félix Tshisekedi : « luzingu ya nkaka ikele na nima ya kimfumu »
Na disolo nandi na mwangisi ya nsangu ya Jeune Afrique, Moïse Katumbi mene telemela mambu yaku bandela nsiku ya nene ya insi, Constitution na ndinga ya bampaya. Sambu na yandi, nsiku ya nene yina kele ku natisa insi na mambi ve, kansi ba ntwadisi.
Moise Katumbi mene lomba na mfumu ya insi, Félix-Antoine Tshisekedi Tshilombo, naku bika kiti ya kimfumu na nsuka ya mvula 2028.
« Mambu yakele kumila Kongo demokratik, kele nsiku ya nene ya bwala ve, kansi ba ntwadisi. Mono ke lomba na Félix Tshisekedi ya bika kiti ya kimfumu na nsuka ya mandat nandi. luzingu ya nkaka ikele na nima ya kimfumu », yandi tubaka.
Na disolo yina, Moise Katumbi mene tuba mpi mpila ya bo mvukanaka na Vital Kamerhe mpe Félix Tshisekedi sambu naku telemila Joseph Kabila ya vandaka na mfunu yaku bikala na kimfumu na nsuka ya kimfumu na yandi.
Na kati ya Union sacrée, bantu kele ku bula disolo yaku bandela nsiku ya nene ya insi.
