Kinshasa : ONG Women of Faith mene sadisa bantu ya mene dinda na kumata ya masa ya nzadi ya nene (Fleuve Congo)
Kinvuka ya ba mama ya kundima, na anglais Women of Faith, mene pesa bima na bantu ya mene zinda na masa ya nzandi ya nene (Fleuve Congo). Nadine Banze na bantu na yandi pesaka bo bima yina na kilumbu ya zole mpi ya tatu ya mposo ya mene luta.
Ba communes tanu (5) ya mbanza Kinshasa ponamaka na ONG Women of Faith. Beto ke tanga Masina, Limete, Mont-Ngafula, Ngaliema na commune ya Kinshasa.
Nadine Banze, ntwadisi ya kimvuka yayi, mene tuba ti lusadisu yayi mene salama sambu naku pesa kiese na nkangu ya mene mona mpasi.
« Beto mene wa kudila ya ba mfumu ya bwala mpi ya nkangu. Kinvuka na beto mene kwenda na bantu ya Église de Jésus-Christ des Saints de derniers jours, ba mene pesa beto mvutu ya mbote. Yo yina beto mene kwisa awa sambu naku pesa ba mpangi lusadisu na betu », mpila yina tubaka Nadine Banze.
Bantu ya dibundu Église de Jésus-Christ des Saints des derniers jours mene tuba nde lusadisu yayi kele mvutu na malongi ya mfumu na betu Yesu Kristu, ya me tinda bantu naku mwanga Nsangu ya kuzolana.
ONG Women of Faith mene pesa saki ya loso, ya semoule, mungwa, sukadi, huile végétale, pièce ya maputa na matelas sambu na ba yina mene vidisa na mbetu.
