Kinshasa : Engen RDC mene pesa bivandilu kuluta nkama mosi na nzo-nkanda Bakanja 

Nzadisa yina ya Engen RDC kele sambu naku sunga bana nzo-nkanda ya Bakanja naku tanga na mpila ya mbote. 

« Beto mene pesa na bana ya nzo-nkanda bivandilu yayi sambu nde bo tanga mbote, mpamba ve, ku ntangisa ba leke kele mfunu kibeni sambu na mbasi ya insi na beto », mene tuba Jean-Claude Sungula, mosi ya ba ntwadisi ya Engen RDC. 

Société Engen ta suka pana ve. Na bilumbu ta kwisa, bo ta kumisa bunkete mingi ba installations hygiéniques, nzo yaba longi mpi salle informatique ya nzo-nkanda yina. 

« Beto ta pesa bana ya nzo-nkanda na beto malongi yambu naku batela bivandilu yayi. Bana ta batela yo mbote yambu nde ba yina ta kwisa na ba mbula ke kwisa ku tanga mpi na mpila ya mbote », mene tuba Marie Petelo Sakwaba, ntwadisi ya institut Bakanja.