Kuponama ya mfumu ya bwala ya 2023 : « Mono ta katula zina na mono ve sambu na muntu ya nkaka », Adolphe Muzito na Bukavu
Na Mbanza ya Bukavu na Sud-Kivu, Adolphe Muzito mene tuba nde ata mosi ve na kati ya bantu kele nwanina kiti ya kimfumu ya insi na simu ya opposition, kele na vision mosi na yandi. Yandi mene tuba yo na ntwala yaba mwangisi ya nsangu na kilumbu ya iya na mposo yayi.
Na manaka ya pona mono - pona mono na yandi, Adolphe Muzito sololaka na nkangu ya mbaza Bukavu, kuna yandi tubaka nde ata katula zina na yandi ve sambu na muntu ya nkaka.
« Ata mosi ve ya ba nwanini ya kiti ya kimfumu na simu ya opposition kele na vision mono sambu naku ntwadisa insi na beto. Mono na sangana na muntu ve, mono ta kwenda tiii na nsuka », mpila yina tubaka Adolphe Muzito.
Na nkangu, mfumu ya luyalu ya ntama mene lomba bo pona yandi sambu naku pesa ba ntoto ya insi ya Kongo demokratiki na ba Mfumu ya mabuta (famille). Buna bwala ta mona diaka mpasi ve, mpila bantu ya nkaka, bonso ba Rwandais, kele yibaka.
« Nkangu ya Rwanda kele bantu ke bokolaka ba niama. Bo kele na mfunu ya bisika mingi sambu bisalu nabo. Kansi na bwala nabo, bisika kele ya fioti. Na nima ba nvula makumi zole, makambu ta kuma diaka mingi ».
Mfumu ya kimvuka politik Nouvel Elan ta vanda na mbanza Uvira. Adolphe Muzito ta kwenda mpi na mbanza Kindu na Maniema.
